Tujhe mana tha khuda maine,
Zindagi basai thi sapno mein,
Tere saath maine.

Kuch bhi nahi chaha itna,
Jitna chaha maine tujhe.

Socha tha zindagi puri bitaungi tere saath,
Tere haathon mein hoga mere haath.

Khuda mana tha tujhe maine,
Nahi kiya ishq iskadar kisi aur k saath.
Tune kaha tha tujhe bhi mujhse ishq hai iskadar,
Kiya tha maine teri baatoh ka aitbaar.

Gar kya hua? Tune kya kiya?
Chhor gaya tu mujhe is kadar,
Tod gaya tu mujhe is kadar.

Har taraf har lamha dhundhti hu tujhe,
Kabhi toh aaegi teri khabar.
Kabhi toh hogi tujhe meri ishq ki kadar.

Ya nahi.

Shayad teri khudgarzi thi,
Ishq paane ki mujhse.
Ya meri hi khudgarzi rahi hogi,
Ishq paane ki tujhse.

Jaa maaf kiya tujhe.
Ya nahi!

Ye na kahungi ki tujhe ek din ehsaas hoga,
Ki tune kya kiya mere saath.

Ye kahungi toh
Tujhe bhi kisi se pyaar hoga… iskadar
Jaise mujhe tujhse hai.

Ye main chahti nahi!
Ye manjoor nahi mujhe.

Ye manjoor nahi mujhe,
Ki tu kisi ko chahe iskadar.
Jitna maine tujhe chaha,
Jitna maine sochha,
Tu mujhe chahta hoga.

Lekin tujhe har lamha,
Ehsaas hoga is baat ka,
Ki jo ishq maine tujse kiya.
Jo ishq maine tujse liya,
Woh sachha tha.

Khuda ki tarah paak tha mera ishq.
Aur woh na tujhe fir mil paaega,
Na hi main tujhe mil paungi.

Gar sochti hun main,
Ki tujhe bhi kya yaad aati hogi meri?
Nahi bhi aati hogi toh koi baat nahi.
Ishq toh aakhir maine kiya tha.

Jaa maaf kiya!

♡ X O X O ♡ キツネ
© 𝐅𝐢𝐨𝐧𝐚 𝐂𝐫𝐲𝐬𝐭𝐚𝐥 | All rights reserved
Oct 26, 2023 03:38 | 𝙛𝙞𝙤𝙣𝙖𝙙𝙞𝙖𝙧𝙞𝙚𝙨.𝙘𝙤𝙢